"Ὥσπερ γὰρ ἔκαστον ζῶον μετὰ τῶν ὁμογενῶν τὰς μίξεις ἐργάζεται, οὕτω καὶ ἔκαστον ἔθνος, οὐκ ἐξ ἀλλοφύλων καὶ ἀλλογλώσσων, ἀλλ' ἐκ τῶν ὁμογενῶν τε καὶ ὁμοφώνων τὰ συνοικέσια τῶν γάμων ποιεῖσθαι καθέστηκεν δίκαιον. Ἐντεῦθεν γὰρ καὶ ἡ πρὸς ἀλλήλους ὁμοφροσύνη καὶ συνομιλία καὶ προσφιλὴς συνδιατριβὴ καὶ συμβίωσις περιγίνεσθαι πέφυκεν· τὰ δὲ ἀλλότρια ἔθη καὶ διαλάττοντα νόμιμα ἀπεχθείας μᾶλλον καὶ προσκρούσεις καὶ μίση καὶ στάσεις εἴωθεν ἀπογεννᾶν, ἅπερ οὐ φιλίας καὶ κοινωνίας, ἀλλ' ἔχθρας καὶ διαστάσεις φιλεῖ ἀπεργάζεσθαι"
Κωνσταντίνος Πορφυρογέννητος, Πρὸς τὸν ἴδιον υἰὸν Ῥωμανόν, έκδ. Constantine Porphyrogenitus De Administrando Imperio (επ. G. Moravcsik, μτφ. R. Jenkins), Corpus Fontium Historiae Byzantinae 1, Dumbarton Oaks, Ουάσιγκτον 1967 (1985), σελ. 74, §13.175-186.
